Konfirmantane var viktige bidragsytarar her.
Laurdag før andre sundag i advent hadde konfirmantane våre samling i Frøyset kyrkje. Samlinga vart avslutta med ei lysmesse, der alle som ville, kunne kome.
Det vart ei stemningsfull stund. Kyrkjerommet var i all hovudsak opplyst av levande lys. Det bidrog nok til at det opplevdest ekstra høgtideleg når konfirmantane kom inn i prosesjon, med kvite kapper og lys i hendene.
Alle konfirmantane bidrog på ulikt vis i gudstenesta, med lystenning og tekstlesing. Saman med sokneprest i Gulen, Håkon Kinsarvik, skapte dei ei fin stund for oss som tok turen til Frøyset kyrkje denne ettermiddagen.
Tekst og bilete: Rune Garmann